Fáilte go suíomh idirlín úrnua Raidió na Life 106.4FM!
Táimidne an-shásta lenár suíomh idirlín nua agus tá súil againn go dtaitníonn sé libhse chomh maith! Cuardaigh na cláracha agus na láithreoirí is ansa leat, íoslódáil ár sceideal nó podchraoladh, éist linn beo nó léigh faoi stair an stáisiúin agus ár bhfealsúnacht chraoltóireachta. Is féidir freisin scaireanna sa stáisiún a cheannach, dul i dteagmháil linn, nó bheith mar oibrí deonach linn!
Spotsholas Raidió na Life: Amanda Ní Chonghaíle
Tá Amanda Ní Chonghaíle, cainteoir Gaeilge dúchais ó Ghaeltacht na Gaillimhe, ar thaithí oibre le Raidió na Life mar chuid dá cúrsa ollscoile sna Meáin agus sa Ghaeilge in Ollscoil Luimní. Ag obair sa stáisiún ó thús mhí Feabhra, insíonn Amanda beagáinín dúinn fúithí féin.
