Fáilte go suíomh idirlín Raidió na Life 106.4FM!
Tá súil againn go dtaitníonn raidionalife.ie libh. Cuardaigh na cláracha agus na láithreoirí is ansa leat, íoslódáil ár sceideal nó podchraoladh, éist linn beo nó léigh faoi stair an stáisiúin agus ár bhfealsúnacht chraoltóireachta. Is féidir freisin scaireanna sa stáisiún a cheannach, dul i dteagmháil linn, nó bheith mar oibrí deonach linn!
Fógra: Cruinniú Ginearálta Bliantúil 2011 – 24ú Bealtaine 2012
Reachtáilfear Cruinniú Ginearálta Bliantúil Chomharchumann Raidió Átha Cliath Teo. (ag trádáil mar Raidió na Life) ar an Déardaoin 24ú Bealtaine 2012 ag a 8:00 i.n. i 7 Cearnóg Mhuirfean, Baile Átha Cliath 2*. Cuirtear fáilte roimh scairshealbhóirí uile an stáisiúin freastail ar an gCruinniú Ginearálta Bliantúil. Cuirfear Tuairisc an Bhainisteora don tréimhse Samhain 2011 – Bealtaine 2012 agus Cuntais Iniúchta an stáisiúin don bhliain airgeadais 2011 os comhair an chruinnithe, toghfar Bord Stiúrtha nua, agus déanfar plé ar phleananna Raidió na Life don bhliain atá amach romhainn. Muna bhfuil scair agat, ach más rud é gur mhaith leat freastail ar an gcruinniú, is féidir ríomhphost a sheoladh chuig Bainisteoir an Stáisiúin ag muiris@raidionalife.ie le “Scair” sa líne thagartha chun scair a cheannach sa chomharchumann. Ní mór scair a cheannach roimh 21ú Bealtaine chun freastail ar an gCGB.
*D’fhéadfaí go n-athrófaí ionad an chruinnithe roimh ré. Sa chás gur gá é sin a dhéanamh cuirfear é sin in iúl trí fhógra poiblí ar www.raidionalife.ie agus trí ríomhphost chuig scairshealbhóirí a chláraigh/chláraíonn a seoladh ríomhphoist leis an stáisiún.
Spotsholas Raidió na Life: An Seomra Comhrá
Clár beoga spraíúil nua ar Raidió na Life is ea An Seomra Comhrá, áit ina mbeidh Siobhán Seoighe agus Caitríona Bairéad ag plé cúrsaí an tsaoil chuile Déardaoin idir a 7 agus a 8 tráthnóna – idir an grá, spórt, ceol agus neart eile. Is maith leis an bheirt bhan a bheith ag gáire agus a bheith ag breathnú ar an saol le croí éadrom. Tá siad ag súil le cloisteáil ón bpobal le comhrá a dhéanamh leo faoi rud ar bith faoin spéir! Ní amháin sin, ach bíonn comórtas na 'h'-anna acu ar an gclár chuile sheachtaine agus go leor duaiseanna deasa le buachaint urraithe ag Udar.ie chomh maith!
Buailigí isteach chuig An Seomra Comhrá linn gach Déardaoin óna 7! Tuilleadh
Spotsholas Raidió na Life: Gaeilge na hArdteistiméireachta - Siollabas Nua
Sraith nua do dhaltaí na hArdteiste ar Raidió na Life.
Cloisfear na filí Nuala Ní Dhomhnaill, Cathal Ó Searcaigh, Pádraig Mac Suibhne agus Biddy Jenkinson agus na scéalaithe Ré Ó Laighléis, Éibhlís Ní Dhuibhne agus Deirdre Ní Ghrianna i measc go leor eile go bhfuil saothar leo ar an siollabas nua don Ardteist, ar Raidió na Life 106.4 FM.
