Dráma dúghrinn nua ó pheann Phóil Uí Mhuirí le craoladh ar Raidió na Life

Éire san am atá le teacht. Tá an téamh domhanda i ndiaidh scrios a dhéanamh ar an tír. Tá mórán de na ceantair thraidisiúnta Ghaeltachta scriosta. Tá an tír plódaithe de bharr daoine bheith ag teitheadh as a dtíortha féin fud fad na cruinne. Ach tá fear amháin ann atá ag iarraidh a shaol cultúrtha a choinneáil slán: Frank Frankie Rua.

Dráma raidió mealltach ó pheann Phóil Uí Muirí is ea ‘Heileó Houston!’, a thugann aghaidh ar cheisteanna timpeallachta agus teanga ar dhóigh úrnua samhlaíoch. Craolfar an dráma Dé Luain 6ú Bealtaine ag 14:30 agus athchraolfar é Dé Máirt 7ú Bealtaine ag 20:00.

Ag glacadh páirte sa dráma, tá Diarmuid de Faoite, Eoghan Mac Giolla Bhríde, Deirdre Learmont agus Mícheál Ó Gruagáin. Cathal Póirtéir a bhí i mbun léiriúcháin agus Fearghal Saxe a bhí i mbun eagarthóireachta.

Is le tacaíocht ó scéim Fuaim agus Fís Údarás Craolacháin na hÉireann a rinneadh an clár seo, leis an táille ceadúnas teilifíse.

 

04_BAI Logo Only Green

 

Beo anois!
Ag teacht gan mhoill...
GIOLCACHA IS DÉANAÍ

Raidió na Life ar Instagram

Ceannaigh Scair
Tacaigh le Raidió na Life inniu trí scair a cheannach.
Tacaigh linn