Bíonn Maitiú ina léitheoir nuachta ar na Cinnlínte Nuachta gach Máirt ar Raidió na Life. Is de bhunadh Rosa Thír Chonaill ó dhúchas é Maitiú de Hál. Is múinteoir staire is Gaeilge i gColáiste de hÍde, Tamhlacht, é agus tá cónaí air i mBaile Átha Cliath le ceithre bliana anuas.

Bíonn sé gníomhach ina cheantar chónaithe agus i bpobal na Gaeilge i mBaile Átha Cliath. Tá baint ghníomhach aige leis na Gaeil Óga le cúpla bliain anuas, chuir sé Club Óige Feachtas Thamhlachta ar bun anuraidh agus bhunaigh sé Scéim Scoláireachta an Chraoibhín ar éirigh léi cuidiú le nocha dalta dul chun na Gaeltachta i mbliana.