menu Baile chevron_right

Fúinn


Is stáisiún raidió pobail lán-Ghaeilge é Raidió na Life atá ag craoladh ar fud mhórcheantar Bhaile Átha Cliath ó 1993. Cuireann muid seirbhís raidió Ghaeilge ar fáil do Bhaile Átha Cliath ar 106.4 FM agus do dhaoine ar fud an domhain ar raidionalife.ie le tacaíocht ó Fhoras na Gaeilge agus ó Údarás Craolacháin na hÉireann.

Tá stiúideonna agus oifigí nua-thógtha Raidió na Life lonnaithe taobh le taobh le hoifigí Fhoras na Gaeilge, i gceanncheathrú nua an fhorais uile-Éireann, a chuireann an Ghaeilge chun cinn ar fud na tíre, thuaidh agus theas.

Tógadh stiúideonna nua Raidió na Life mar chuid de phróiseas athlonnaithe in 2017 agus 2018 nuair a bhog Foras na Gaeilge agus Raidió na Life óna seanbhaile ag 7 Cearnóg Mhuirfean i mBaile Átha Cliath 2, chuig an gceanncheathru nua ar Shráid Amiens i dtuaisceart na cathrach.

Tá na céadta, nó go deimhin na mílte, craoltóir deonach tar éis cabhrú leis an stáisiún a choinneáil ar an aer le tríocha bliain anuas.

Foireann

Tá foireann bheag fostaithe i Raidió na Life chun an stáisiún a choinneáil ar an aer ó lá go lá agus le cabhrú lenár gcraoltóirí deonacha le breis agus 100 clár in aghaidh na seachtaine a léiriú is a chur i láthair ar bhonn deonach. Tá Bainisteoir Stáisiúin, Teicneoir agus Clár Reachtaire fostaithe go lánaimseartha ag an stáisiún mar aon le Maor Deireadh Seachtaine agus Oifigeach Forbartha agus Oiliúna páirtaimseartha.

Bord

Tá Bord Stiúrtha deonach ag Raidió na Life. Ceapann scairshealbhóirí Chomharchumann Raidió Átha Cliath Teo an Bord gach bliain ag cruinniú ginearálta bliantúil an chomharchumainn agus bíonn baill an Bhoird freagrach as a chinntiú go bhfeidhmíonn an stáisiún de réir an dea-rialachais chorparáideach. 

scéal

Is stáisiún raidió pobail lán-Ghaeilge é Raidió na Life a bunaíodh in 1993. Cuireann muid seirbhís raidió Ghaeilge ar fáil do Bhaile Átha Cliath ar 106.4 FM agus d’éisteoirí ar fud na tíre agus na cruinne ar raidionalife.ie le tacaíocht airgeadais ó Fhoras na Gaeilge.

ÁR MAOINITHEOIRÍ & COMHPHÁIRTITHE

Tá Raidió na Life thar a bheith buíoch don tacaíocht a fhaighimid ónár maoinitheoirí, tacadóirí, scairshealbhóirí agus ár gcomhpháirtithe go léir.

Coimisiún na Meán
Community Radio Ireland lscp
Foras_na_Gaeilge_Logo_2_5_Mor_Bosca_Ban-1


  • play_circle_filled

    Raidió na Life
    Éist linn - Raidió na Life

play_arrow skip_previous skip_next volume_down
playlist_play